रोहितको उत्कृष्ट ब्याटिङमा ओमनलाई २३० रनको लक्ष्य

काठमाडौं- कप्तान रोहित कुमार पौडेलको उत्कृष्ट अर्धसतकमा नेपालले ओमान लाई २ सय ३० रनको लक्ष्य सुम्पेको छ । टस हारेर पहिले ब्याटिङको निम्तो पाएको नेपालले ४३.२ ओभरमा सबै विकेट गुमाउँदै २ सय २९ रना जोडेको हो ।
 
नेपालका लागि कप्तान रोहितले ७५ रनको उत्कृष्ट अर्धसतकीय पारी खेलेका हुन् । उनले ८१ बलको सामना गर्दै ५ चौका र २ छक्का प्रहार गर्दै ७५ रनको योगदान पदएका हुन् । 

त्यस्तै प्रतिस जिसीले आक्रमक उत्कृष्ट ब्याटिङ गर्दै ४१ रन जोडे । उनले मात्र २३ बलमा २ चौका र ४ छक्का प्रहार गरे । भिम सार्कीले ४३ बलमा २ चौका र १ छक्का प्रहार गर्दै ३९, अभिषेक बस्नेत १५ र रित गौतमले १० रन जोड्न बाहेक अन्य ब्याट्सम्यानले रन बटुल्न सकेनन् 

ओमानका लागि जिल तन्ना, आजम अली, सन्जय रविन्द्र र मुजाहिर राजाले समान दुई विकेट लिए । त्यस्तै यस मेहता र प्रथमेश कुम्बले एक एक विकेट लिए ।