चेल्सीको संघर्षपूर्ण जित

एजेन्सी- बिहीबार राती भएको युरोपा लिग फुटबल अन्तर्गत क्वार्टरफाईनलको पहिलो लेगमा चेल्सीले संघर्षपुर्ण जित निकालेको छ । स्लाभिया प्रागको घरेलु मैदानमा भएको खेलमा चेल्सीले १-० गोलको संघर्षपूर्ण जित निकालेको हो । 

पाहुना टोलीको चेल्सीको जितका लागि खेलको एक मात्र निर्णायक गोल एलान्सोले गरे । चेल्सीले खेलमा गोल गर्न निकै समय कुर्नु परेको थियो । पहिलो हाफमा गोलरहीत बराबरी हुँदमा सकिएको थियो । 

चेल्सीले दोस्रो हाफको अन्तीम मिनेटमा गोल गर्दै जित निकालेको हो । लामो समयको पर्खाई पछि खेलको ८६ औं मिनेटमा एलान्सोको गोलमा चेल्सी विजयी भयो । उक्त खेलमा पछिल्लो समय रियल जाने चर्चामा रहेको मुख्य खेलाडी ईडेन हजार्ड बेन्चमा रहेका थिए । 

यस जितसँगै चेल्सीले सेमिफाइनलमा पुग्ने संम्भावना बलियो बनाएको छ । अब आफ्नो दोस्रो लेग १८ अप्रिलमा चेल्सीको घरेलु मैदानमा खेल्नेछ ।