बार्सिलोनाको संघर्षपूर्ण जित

एजेन्सी-स्पेनिस ला लिगा क्लब बार्सिलोनाले इंग्लिस प्रिमियर लिग क्लब म्यानचेस्टर युनाइटेडलाई पराजित गरेको छ । च्याम्पियन्स लिग फुटबल अन्तर्गत बुधबार राती भएको क्वाटरफाइनलको पहिलो लेगमा बार्सिलोनाले युनाइटेडलाई १-० को झिनो अन्तरले पराजित गरेको हो । 

युनाईटेडको घरेलु मैदानमा भएको खेलमा बार्सिलोना आत्मघाती गोलबाट विजयी भएको हो । खेलको पहिलो हाफमा आत्मघाती गोल मार्फत नै बार्सिलोनाले १-० को अग्रता बनाएको थियो । 

खेलको १२ औं मिनेटमा युनाईटेडका लागि लुक शले आत्मघाती गोलमा बार्सिलोनाले पहिलो हाफमा १-० को अग्रता बनायो । तर, दोस्रो हाफमा खेलमा केही सुधार गरेपनि थप गोल भने गर्न सकेन् । 

दोस्रो हाफमा दुबै टोलीबाट थप कुनै पनि गोल हुन नसक्दा बार्सिलोको जितका लागि आत्मघाती गोल नै निर्णायक बन्यो । यस जितसँगै बार्सिलोनाले सेमिफाइनलमा पुग्ने सम्भावना बलियो बनाएको छ । अब बार्सिलोनाले आफ्नो घरेलु मैदानमा दोस्रो लेग १६ अप्रिलमा खेल्ने छ ।