दिल्ली विजयी, बेंगलोरको लगातार ६ हार

काठमाडौं- कप्तान श्रेयस अयरको अविजित अर्धसतकमा दिल्ली क्यापिटल्स विजयी भएको छ । रोयल च्यालेन्जर्स बेंगलोरको घरेलु मैदानमा भएको खेलमा घरेलु टोलीलाई ४ विकेटले पराजित गर्दै दिल्ली विजयी भएको हो । बेंगलोरको यो लगातार छैठौं हार हाे ।

बेंगलोरले दिएको १ सय ५० रनको लक्ष्य पछ्याएको दिल्लीले १८‍.५ ओभरमा ६ विकेट गुमाउँदै उक्त लक्ष्य भेट्टायो । दिल्लीको जितमा कप्तान श्रेयसले अर्धसतकिय कप्तानी परी खेले । उनले ५० बलको सामना गर्दै ८ चौका र २ छक्कको मद्दतमा ६७ रनको अर्धसतकिय पारी खेलेका हुन् । 

त्यस्तै पृथ्वी शावले २८ रन जोडे । उनले २२ बलको सामना गर्दै पाँच चौका प्रहार गरे । कालिन इनग्रामले २१ बलमा दुई चौका र एक छक्का प्रहार गर्दै २२ रन जोडे । रिषभ पन्तले १४ बलमा २ चौका छक्रका प्रहार गदै १८ रन जोडे । 

बेंगलोरका लागि नाभदिप सैनीले दुई विकेट लिए । त्यस्तै थिम साउदी, मोइन अली, मोहमद सिराज र पवन नेगीले समान एक एक विकेट लिए । 

यस अघि टस हारेर पहिले ब्याटिङको निम्तो पाएको बेंगलोरले निर्धारित २० ओभरमा विकेट गुमाउँदै १ सय ४९ रन जोडेको थियो । बेंगलोरका लागि कप्तान विराट कोहलीले सर्वाधिक ४१ रन जोडे । उनले ३३ बलको सामना गर्दै १ चौका र २ छक्का प्रहार गरे । 

त्यस्तै मोइन अलीले ३२ रन जोडे । उनले आक्रमक ब्याटिङ गर्दै १८ बलमा १ चौका र ३ छक्का प्रहार गर्दै ३२ रन जोडेका हुन् । अक्षदीप नाथले १९, एवी डेभिलियर्सले १७ र मक्र्युस स्टोनिसले १५ रन जोड्न बाहेक अन्य ब्याट्सम्यानले दोहोरो अंक छुन सकेनन् । 

दिल्लीका लागि कागिसो राबाडाले ४ विकेट लिए । त्यस्तै क्रिस मोरिसले दुई विकेट लिँदा अक्सर पटेल र सन्दीप लामिछानेले समान एक एक विकेट लिए । निकै नै महङ्गा सावित भएको सन्दीपले आफ्नो पहिलो ओभरमा १० रन खर्चेका थिए । 

त्यस्तै दोस्रो ओभरमा मात्र ६ रन खर्चेका उनले त्यसपछि आफ्नो तेस्रो ओभरमा एक विकेट लिँदै ११ रन खर्चे । तर, आफ्नो अन्तीम ओभरमा उनी किनै पिटिए । उनले आफ्नो अन्तीम ओभरमा १९ रन खर्चदै समग्रहमा चार ओभरमा ४६ रन खर्चेर एक विकेट लिएका हुन् । सन्दीपले जारी सिजनको आइपिएलमा चार खेल खेल्दै ५ विकेट लिएका छन् ।