पाँचौं राष्ट्रिय महिला भलिबललाई मुक्तिनाथको साथ

काठमाडौं- पाँचौं केएनपी राष्ट्रिय महिला भलिबल प्रतियोगितालाई मुक्तिनाथ विकास बैंकको साथ रहने भएको छ । शेरबहादुर खड्का स्मृति प्रतिष्ठानको आयोजनामा हुने पाँचौं राष्ट्रिय महिला भलिबललाई बैंकको साथ रहने एक कार्यक्रमको आयोजना गर्दै जानकारी दिएको हो । 

प्रायोजन सम्झौता-पत्रमा प्रतिष्ठानकी संरक्षक गमली खड्का र मुक्तिनाथ विकास बैंकका सीईओ प्रध्युमान पोखरेलले एक कार्यक्रमकाबीच हस्ताक्षर गरे । म्झौतापत्र अनुसार बैंकले प्रतियोगिताको प्रथम पुरस्कार नगद २ लाख उपलब्ध गराउने छ । 

लिगकम नकाउटका आधारमा संचालन हुने प्रतियागितामा साविकको विजेता टोली एपिएफ, न्यू डाइमण्ड, नेपाल पुलिस, पश्चिमाञ्चल, नेपाल आर्मी र जावलाखेल भलिबल प्रशिक्षण केन्द्र गरी ६ टिमको सहभागीता रहने छ । 

प्रतियोगिताको विजेताले २ लाख, उपविजेताले १ लाख र तेश्रो हुनेले ५० हजार नगद प्राप्त गर्ने छन् । त्यस्तै प्रतियोगिताको सर्वोत्कृष्ट खेलाडी र शेरवहादुर खड्का स्पेशल अवार्ड विजेता खेलाडीले नगद समान १५-१५ हजार प्रस्त गर्ने छन् । 

प्रतियोगिता जवलाखेल भलिबल प्रशिक्षण केन्दमा बैशाख १४ देखी १७ गते सम्म संचालन हुने छ ।