सलाहको कीर्तिमानी गोलमा लिभरपुल विजयी

एजेन्सी- इंग्लिस प्रिमियर लिग फुटबलमा साउथह्याम्टनलाई पराजित गर्दै लिभलपुल शीर्ष स्थानमा फर्किएको छ । शुक्रबार राति भएको खेलमा साउथह्याम्टनलाई ३-१ गोल अन्तरले पराजित गर्दै लिभरपुल लिगको शीर्ष स्थानमा उपक्लिएको हो । 

लिभरपुलको जितमा मोहमद सलाहा, नाबी केईटा र जोर्डन हेन्डरसनले एक एक गोल गरे । खेलको नवौँ मिनेटमा घरेलु टोलीले सुरुवाती अग्रता लिएको थियो । सुरुवाती अग्रता जोगाउन नसक्दा साउथह्याम्टन पराजित हुन पुगेको हो । 

नवौं मिनेटमा साने लङले गोल गर्दै घरेलु टोलीलाई सुरुवाती अग्रता दिलाएका थिए । तर, ३६ औ मिनेटमा नाबी केईटाले गोल गर्दै खेल बराबरी ल्याएका थिए । त्यस्तै ८० औं मिनेटमा सलाहले गोल गर्दै लिभरपुललाई २-१ को अग्रता दिलाए । 

यससँगै सलाह लिभरपुलका लागि ६९ खेलमा ५० गोल पार गर्ने पहिलो खेलाडी बने । उनले यसअघि फर्नान्डो टोरेसले ७२ खेलमा ५० गोल पुरा गरेको रेकर्डलाई भङ्ग गरेका हुन् । खेलको ८६ औं मिनेटमा जोर्डन हेन्डरसनले गोल गर्दै लिभरपुललाई ३-१ को जित दिलाए । 

शीर्ष स्थानमा उक्लिएको लिभरपुलले ३३ खेलबाट ८२ अंक जोड्यो । एक खेल कम खेलेको म्यानचेष्टर सिटीको ८० अंक छ । साउथह्याम्टन ३३ अंक सहित रेलिगेशन जोन भन्दा दुई स्थान माथि छ ।