ओलम्पिक छनोट : नेपाल भारत भिड्दै

काठमाडौं- नेपाली राष्ट्रिय महिला फुटबल टोलीले दोस्रो चरणको ओलम्पिक छनोटमा चिरपरिचित टोली भारतको सामना गर्दै छ । म्यानमारमा जारी ओलम्पिक छनोटमा पहिलो खेल गुमाएको नेपालले आफ्नो दोस्रो खेलमा भारतको सामना गर्दै छ । खेल नेपाली समय अनुसार दिउँसो २:१५ बजे सुरु हुनेछ ।

दक्षिण एसियामा मुख्य प्रतिद्वन्द्वी बनेको भारतविरुद्ध मैदान उत्रदा नेपाल पहिलो अंकको खोजीमा रहने छ । अर्को तिर नेपाललाई छनोटको दोसो चरणमा पुग्ने सम्भावना विजित राख्न भारतलाई पराजित गर्ने पर्ने छ । 

तर, भारतलाई पराजित गर्न भने नेपाललाई मुस्किल हुनेछ । भारतसँग पाँचौ महिला साफको फाइनल खेलमा नेपाललाई ३-१ गोल अन्तरले पराजित गरेको उच्च मनोबल छ । यता तिर भने नेपाललाई घरेलु मैदानमा भारतसँगको हारको बदाला लिने अवसर छ । 

त्यसैले पनि आज नेपाल उक्त खेलको बदला लिन चाहन्छ । बुधबार भएको पहिलो खेलमा नेपाल घरेलु टोली म्यानमारसँग ३-१ गोल अन्तरले पराजित भएको थियो । 

भारत भने लगातार दोस्रो जित निकाल्ने लक्ष्यमा हुनेछ । पहिलो खेलमा भारतले इन्डोनेसियालाई हराएको थियो । नेपालले प्रतियोगिताको अन्तिम छनोट खेल नयाँ प्रतिद्वन्दी इन्डोनेसियासँग २६ गते खेल्नेछ ।