मान्डुज्की युभेन्टसमै रहने

एजेन्सी-क्रोएसियन स्ट्राइकर मारियो मान्डुज्कीले युभेन्टससँग आफ्नो सम्झौता नविकरण गरेका छन् । नयाँ सम्झौता अनुसार मान्डुज्की अब २०२१ सम्म युभेन्टसमा रहने छन् । 
नयाँ सम्झौ भएसँगै क्लबले उनको प्रसंसा गरेको छ । 

उनी क्लबका लागि एक महत्वपूर्ण खेलाडी भएको बतए । ३२ बर्षीय मान्डुज्की २०१५ मा एट्लेकिको मड्रिडबाट युभेन्ट्स पुगेका थिए । उनले युभेन्टसका लागि १ सय ५९ खेल खेल्दै ४३ गोल गरेका छन् । 

उनले जारी सिजनमा १९ असिस्ट समेत गरेका छन् । जारी सिजनमा उनले सबै खाले प्रतियोगिता गरी ९ गोल गरेका छन् । युभेन्टस पुगेपछि मान्डुज्कीले तीन पटक लिग जितेका छन् । त्यस्तै कोपा इटाली तीन र सुपर कोपा इटाली एक पटक जितेका छन् । 

उनी जारी सिजनको उपाधि सहित चौथो पटक लिगको उपाधि जित्ने दाउँमा छन् । अबका ७ खेदमा युभेन्ट्सले जित निकाले लिगको उपाधि जित्ने छ । आउँदो हप्ता युभेन्ट्स च्याम्पियन्स लिगमा क्वाटफाइनलको पहिलो लेग आयाक्ससँग खेल्दै छ । १९९६ पछि युभेन्ट्स पहिलो पटक युरोपियन ठुलो प्रतियोगिताको उपाधि जित्ने दाउँमा छ ।