विश्व वरियतामा नेपाल यथावत

काठमाडौं- विश्व फुटबलको सर्वोच्च निकाय (फिफा)ले बिहीबार सार्वजनिक गरेको नयाँ वरियतामा नेपाल यथावत रहेको छ । यसअघि वरियताको १६१ औं स्थानका रहेको नेपाल नयाँ वरियतामा पनि यथावत रहेको हो । 

नयाँ वरियतामा दक्षिण एसियाली राष्ट्र भारत, माल्दिभ्स र बंगलादेशले भने आफ्नो स्थानमा सुधार गरेका छन् । दक्षिण एसियाली राष्ट्रमा शीर्षस्थानमा रहेको भारतले दुईस्थान सुधार गर्दै १०१औं स्थानमा उक्लिएको छ । 

त्यस्तै माल्दिभ्सले एक स्थान सुधार गर्दै १५१औं स्थानमा उक्लिँदा बंगलादेशले भने ४ स्थान सुधार गर्दै १८८औं स्थानमा उक्लिएको छ । भुटान १८६औं स्थानमा यथावत छ । 

पाकिस्तान र श्रीलंका भने एक एक स्थान तल झरेका छन् । पाकिस्तान एक स्थान तल झदै २०० औं स्थानमा छ भने श्रीलंका २०२औं स्थानमा रहेको छ । विश्व वरियताको शीर्ष तीनमा भने कुनै परिवर्तन भएको छैन । बेल्जियम, फ्रान्स र ब्राजिल क्रमश पहिलो, दोस्रो र तेस्रो स्थानमा रहेको छ ।