चेल्सीको ब्राइटनमाथि सहज जित

एजेन्सी- इंग्लिस प्रिमियर लिग फुटबलमा चेल्सीले ब्राइटनलाई पराजित गरको छ । बुधबार राती भएको खेलमा ब्राइटनलाई ३-० गोल अन्तरले पराजित गरेको हो । 

घरेलु मैदानमा चेल्सीको लितका लागि ओलिभर जिरुड, इडेन हजार्ड र रुवेन लफटस चिकले एक एक गोल गरे । खेलको ३८औं मिनेटमा ओलिभर जिरुडले गोल गर्दै घरेलु टोलीलाई सुरुवाती अग्रता दिलाए । 

पहिलो हाफमा १-० को अग्रता बनाएको चेल्सीले दोस्रो हाफमा थप दुई गोल गर्यो । खेलको ६०औं मिनेटमा इडेन हजार्डले गोल गर्दै चेल्सीको अग्रता दोब्बर पारे । ६३ औं मिनेटमा लफटस चिकले गोल गर्दै चेल्सीलाई ३-० को सहज जित दिलाए । 

जितसँगै लिगाको पाँचौ स्थानमा उक्लिएको चेल्सीले अर्का सिजनको च्याम्पियन्स लिगमा छनोट हुने सम्भावना जीवितै राखेको छ ।  चेल्सीको ३२ खेलबाट ६३ अंक पुगेको छ । एक खेल कम खेलेको आर्सनलको ६३ अंकसहिच चौथो स्थानमा छ । ब्राइटन ३३ अंकसहित १५औं स्थानमा छ ।