भ्यालेन्सियासँग रियल पराजित

एजेन्सी- स्पेनिस ला लिगा फुटबलमा रियाल म्याड्रिडले भ्यालेन्सियासँग हार व्यहोेरेको छ । बुधबार राति भएको खेलमा रियाल म्याड्रिड भ्यालेन्सियासँग २-१ ले परासजत भएको हो ।

घरेलु मैदानमा भ्यालेन्सियाको जितका लागि गोनकालो गुइडेस र इजिक्वेल गारेले एक एक गोल गरे । यता म्याड्रिडका लागि करिम बेन्जेमाले एक गोल फर्काए । खेलको ३५औं मिनेटमा गोनकालोको गोलमा भ्यालेन्सियाले सुरुवाती अग्रता लियो । 

पहिलो हाफमा १-० को अग्रता लिएको भ्यालेन्सियाका लागि ८३औं मिनेटमा गारेले गोल गर्दै अग्रता दोब्बर पारे । इन्ज्युरी समय बेन्जेमाले गोल गर्दै रियललाई खेलमा फर्काउनले प्रयास गरे । तर, थप दो गर्न नसक्दा रियल भ्यालेन्सियासँग २-१ गोल अन्तरले पराजित भएको हो ।

रियल पराजित भएसँगै शीर्षस्थानको बार्सिलोनाभन्दा १३ अंक तथा दोस्रो स्थानको एट्लेटिको मड्रिडभन्दा पाँच अंकले पछि परेको छ । रियलको ३० खेलबाट ५७ अंक रहेको छ ।