यू-१९ विश्वकप छनोट खेल्ने नेपाली टोलीको घोषणा

काठमाडौं- सन् २०२० मा दक्षिण अफ्रीकामा आयोजना हुने यू-१९ विश्वकप क्रिकेटको एसिया छनोटका लागि १४ सदस्सीय नेपाली टोलीको घोषणा भएको छ । 

मलेसियामा आयोजना हुने उक्त यू-१९ विश्वकप एसिया छनोटका लागि रोहित पौडेलको कप्तानीमा मंगलबार १४ सदस्सीय नेपाली टोलीको घोषणा भएइको हो । अप्रिल दोस्रो साताबाट सुरु हुने एसिया छनोटका लागि मुख्य प्रशिक्षक विनोद दासको छनोट टोलीले १४ सदस्सीय नेपाली टोलीको घोषणा गरेको हो । 

टोलीमा रोहित सहित आसिफ शेख, पवन सर्राफ, सन्दीप जोरा, भिम सार्की, रित गौतम, कमल सिंह ऐरी, राशिद खान, सागर ढकाल, अभिषेक बस्नेत, कुशल मल्ल, हरि चौहान, प्रतिष जिसी र सुर्य तामाङ रहेका छन् । 

त्यस्तै वैकल्पिक खेलाडीमा रभी कुमार साह, आकाश चन्द, लोकेश बम र शेर मल्ल रहेका छन् । एसिया छनोट प्रतियोगितामा नेपालसहित, मलेसिया, सिंगापुर, युएई, कुवेत र ओमन गरी ६ टोलीले प्रतिस्पर्धा गर्ने छन् । 

प्रतियोगिता अप्रिल १० देखि २० तारिख सम्म मलेसियामा संचालन हुनेछ । छनोटको विजेता टोलीले सन् २०२० मा दक्षिण अफ्रीकामा आयोजना हुने विश्वकपमा स्थान बनाउने छ ।