आर्सनलको सहज जित

एजेन्सी- इंग्लिस प्रिमियर लिग फुटबलमा आर्सनलले न्युक्यासल युनाईटेडलाई पराजित गरेको छ । सोमबार राति भएको खेलमा आर्सनलले न्युक्यासललाई २-० गोल अन्तरले पराजित गर्दै गरेको हो ।  

आर्सनलका जितका लागि आरोन राम्सी र एलेक्सान्ड्रे लाकाजेट्टीले एक एक गोल गरे । पहिलो हाफमा १-० गोल अन्तरले अग्रता लएिको आर्सनलले दोस्रो हाफमा थप एक थोल गरेको गर्यो । 

खेलको ३० औ मिनेटमा आरोन राम्सीको गोलमा आर्सनलले पहिलो हाफमा सुरुवाती अग्रता लिएको थियो । त्यसपछि दोस्रो हाफमा एलेक्सान्ड्रे लाकाजेट्टीले थप एक गोल गर्दै आर्सनललाई २-० को जित दिलाए । उनले ८३ औ मिनेटमा गोल गर्दै टोलीलाई सहज जित दिलाएका हुन् । 

यस जितसँगै आर्सनल लिगको त्स्रो स्थानमा उक्लिएको छ । चौथो स्थानको टोटेनहम र पाँचौ स्थानको म्यानचेष्टर युनाईटेडलाई पछि पार्दै आर्सनल लिगको तेस्रो स्थानमा उक्लिएको हो । आर्सनलले ३१ खेलबाट ६३ अंक जाडेको छ । टोटेनहमको ६१ अंक छ । न्यु क्यासल ३५ अंक सहित तालिकाको १३ औ स्थानमा छ ।