आइपिएलमा क्रिस गेलको नयाँ रेकर्ड

काठमाडौं- आइपिएलको इतिहासमा वेस्टइन्डिजका आक्रमक ब्याट्सम्यान क्रिस गेललले नयाँ रेकर्ड बनाएका छन् । गेलले आइपिएलको इतिहासमा सर्वाधिक छक्का प्रहार गर्ने खेलाडीको रेकर्ड बनाएका हुन् ।

गेलले आइपिएलमा ३ सय २ छक्का प्रहार गरेका छन् । शनिबार भएको मुम्बईविरुद्धको खेलमा ४ छक्का प्रहार गर्दै उनले आइपिएलको इतिहासमा ३ सय छक्काको आँकडा पुरा गरेका हुन् । 

गेलले हालसम्म आइपिएलका १ सय १५ खेल मध्येमा १ सय १४ खेलमा ब्याट्रि गरेका छन् । उनले कोलकाता नाइट राइडर्स, रोयल च्यालेन्जर्स बेग्लोर र किंग्स इलेभेन पन्जाव गरी आइपिएलमा तीन टिममा खेल्ःदै सर्वाधिक ३ सय २  छक्का प्रहार गरेका हुन् । 

त्यस्तै दोस्रो स्थानमा दक्षिण अफ्रिकी ब्याट्सम्यान एबी डिभिलीयर्स रहेका छन् । उनले १ सय ९२ छक्का प्रहार गरेका छन् । उनले १४३ खेलका १३१ इनिंगमा १९२ छक्का प्रहार गरेका हुन् । 

तेस्रो स्थानमा रहेका महेन्द्र सिंह धोनील १ सय ८७ छक्का, चौंथो स्थानमा रहेका सुरेश रैनाले १ सय ८६ छक्का प्रहार गरेका छन् भने पाँचौ स्थानमा रहेका रोहित शर्माले १ सय ८५ छक्का प्रहर गरेका छन् । विराट कोहलीले १७८, डेभिड वार्नरले १६५, शेन वाटशनले १६०, युसुफ पठनले १५८ र किरोन पोलार्डले १५५ छक्का प्रहार गरेका छन् ।