ओलम्पिक छनोट : नेपालको पहिलो खेल म्यानमारसँग

काठमाडौं- दोस्रो चरणको ओलम्पिक छनोटमा नेपालको पहिलो प्रतिद्वन्द्वी म्यानमार रहेको छ । नेपालले आयोजक म्यानमारसँग ३ अप्रिलमा आफ्नो पहिलो खेल खेल्ने छ । त्यस्तै दोस्रो खेल ६ अप्रिलमा भारत र तेस्रो खेल ९ अप्रिलमा इनडोनेसियासँग खेल्ने छ । समुहको शीर्ष स्थानमा रहने टिम अघिल्लो चरण प्रवेश गर्नेछ ।

उक्त छनोट प्रतियोगिताका लागि नेपालले साफ महिला च्याम्पियनसिप खेलेको टिमलाई नै पठाउने भएको छ । साफ च्याम्पियनसिप सकिने बित्तिकै आराम दिएको नेपाली टोलीले चार दिनको छोटो तयारीमा छनोट खेल्र्दै छ । मुख्य प्रशिक्षक हरी खड्काले ओलम्पिक छनोटको तयारीका लागि खेलाडीलाई चार दिन मात्र अभ्यास गराएका छन् । 

खेलाडीमा एन्जिला तेम्वाप्पो सुब्वा, अन्जना राना मगर, उषा नाथ, हिरा कुमारी भुजेल, गिता राना, पुनम जर्गा मगर, अमृता जैशी, कविता धिमाल, पुजा राना र मन माया लिम्वु रहेका छन् । 

त्यस्तै अनिता बस्नेत, दिपा राई, मन्जली योञ्जन, सर्मिला थापा, सुरु लिम्बु, रेनुका नगरकोटी, अनिता के सी , रेखा पौडेल, निरु थापा (कप्तान) र सावित्रा भण्डारी रहेका छन् । 

ओलम्पिक छनोटको पहिलो चरणको खेलमा नेपालले भारत र आयोजक म्यानमारसँग समान १-१ गोलको बराबरी खेल्दै दोस्रो चरणमा प्रवेश गरेको थियो । नेपाली टोली प्रतियोगिताका लागि आइतकार नै त्यसतर्फ प्रस्थान गर्ने छ ।