युनाइटेडद्वारा वाट्फोर्ड पराजित

एजेन्सी-इन्ग्लिश प्रिमियर लिग फुटबलमा म्यानचेस्टर युनाईटेड चौंथो स्थानमा उक्लिएको छ । शनिबार भएको खेलमा वाट्फोर्डलाई २-१ गोल अन्तरले पराजित गर्दै युनाईटेड शीर्ष चारमा पुगेको हो ।

घरेलु मैदानमा युनाईटेडको जितका लागि मार्कुस राष्फोर्ड र एन्थोनी मार्सियलले एक एक गोल गरे । वाट्फोर्डका अब्डोउले डोउकोरेले एक गोल फर्काए । पहिलो हाफमा १-० को अग्रता लिएको युनाइटेडले दा्स्रो हाफमा एक गोल गर्दा एक गोल खान पुगेको थियो । 

खेलको २८ औं मिनेटमा राष्फोर्डले गोल गर्दै घरेलु टोलीलाई सुरुवाती अग्रता दिलाए । त्यसपछि खेलको ७२ औं मिनेटमा मार्सियलले गोल गर्दै युनाईटेडको अग्रता दोब्बर पारे । तर, खेलको ९० औं मिनेटमा वाट्फोर्डका डोउकोरेले एक गोल फर्काएपनि युनाईटेडको जितलाई रोक्न सकेनन् । 

जितसँगै चौंथो स्थानमा उक्लिएको युनाईटेडले ३० खेलबाट ६१ अंक जोडेको छ । पराजित वाट्फोर्ड ४३ अंकसहित नवौं स्थानमा रहेको छ ।