सन्दीप कोलकाताविरुद्ध पहिलो रोजाईमा

काठमाडौं-  नेपाली राष्ट्रिय टोलीका लेग स्पिनर सन्दीप लामिछाने जारी सिजनको पहिलो खेल खेल्ने पक्का भएको छ । उनले दिल्ली क्यापिटल्सका लागि कोलकाता नाइट राईडर्सविरुद्ध खेल खेल्ने पक्का भएको हो । 

दिल्ली कै घरेलु मैदानमा हुने खेलमा सन्दीप पहिलो रोजाइमा परेका हुन् । आजको खेलमा विदेशी खेलाडीको रुपमा दुई जना खेलाडीले मात्र स्थान पाउँदा पिन सन्दीप टोलीमा अटाएका हुन् । जहाँ सन्दीप र क्रिस मोरीस यस खेलका लागि विदेशी खेलाडीको रुपमा टोलीमा परेका हुन् । यसअघिको खेलबाट किमो पल टोलीमा परेका छैनन् । 

दिल्लीले अमित मिश्रा र सन्दीपलाई स्पिनरको रुपमा खलाउँदै छ । दिल्लीको घरेलु मैदान फिरोज शाह कोटलामा भर्खर सम्पन्न टसमा दिल्ली क्यापिटल्सले टस जितेर पहिला बलिङ गर्ने निर्णय लिएको छ । 

कोलकताले ब्याटिङको निम्तो पाएको छ । दिल्लीले आजको खेलमा ४ खेलाडी परिवर्तन गरेको छ । अक्षर पटेलको स्थानमा हनुमा विहारी, किमो पलका स्थानमा क्रिस मोरिस, राहुल टेवाटियाको स्थानमा हर्षल पटेल र सन्दीपलाई मौका दिएको छ । 

आजको खेद्यका लागि शिखर धवन, पृथ्वी शा, श्रेयस ऐर(कप्तान), ऋषभ पन्त, कोलिन इनग्राम, क्रिस मोरिस, हनुमा विहारी, कागिसो रबाडा, सन्दीप लामिछाने, अमित मिश्रा र हर्षल पटेलसुरुवाती ११ मा परेका छन् ।