दाउफिन्सलाई पराजित गर्दै आयोजक मकवानपुर च्याम्पियन

काठमाडौं- दोस्रो संस्करणको भूगर्भ सिमेन्ट मकवानपुर गोल्डकप फुटबलको उपाधि आयोजक मकवानपुर-११ ले जितेको छ । शनिबार भएको फाइनलमा क्यामरुनको दाउफिन्सलाई २-१ गोल अन्तरले पराजित गर्दै आयोजक टोलीले उपाधि उचालेको हो ।

मकवानपुरको जितका लागि योगेश गुरुङले दुई गोल गरे । उनले दुबै गाले पेनाल्टीमा गरेका थिए । सुरुवाती अग्रता जोगाउन नसक्दा दाउफिन्स पराजित भएको हो । खेलको ५ औं मिनेटमा यात्रिक ओवानाले गोल गर्दै दाउफिन्सलाई सुरुवाती अग्रता दिलाएका थिए । 

तर, खेलको ९ औं मिनेटमा योगेशले पेनाल्टीमा गोल गर्दै मकवानपुरलाई खेलमा फर्काए । यस्तै खेलेको ८२ औं मिनेटमा योगेशले पेनाल्टीबाटै व्यक्तिगत दोस्रो गोल गर्दै मकवानपुरलाई उपाधि दिलाए । उपाधिसँगै आयोजक मकवानपुरले ८ लाख प्राप्त गरेको छ । उपविजेता बनेको दाउफिन्सले ४ लाखमा चित्त बुझायो ।