कोलकाताविरुद्धको खेलमा सन्दीपको माग

एजेन्सी- इन्डियन प्रिमियर लिग (आइपिएल) क्रिकेटमा शनिबार राती नेपाली लेग स्पिनर सन्दीप लामिछाने सम्मिलित टिम दिल्ली क्यापिटल्सले कोलकाता नाइट राइडर्सको सामना गर्दै छ । दुई खेल खेलेको दिल्लीले एक खेलमा जित र एक खेलमा हार व्यहोरेको छ । 

आफ्नो तेस्रो खेलमा दिल्लीले फिरोज कोट्ला स्टेडियममा कोलकाताको सामना गर्दै छ । कोट्लामा नै भएको पहिलो खेलमा सन्दीप विनाको दिल्ली पराजित भएको थियो । 

पराजित पछि सन्दीपलाई नखेलाएको भन्दै क्रिकेट विषेशज्ञहरुले दिल्लीको आलोचान सुमेत गरेका थिए । किनकी दिल्लीको फिरोज कोट्ला मैदानको पिच रिपोर्टलाई हेर्ने हो भने स्लो र लो बाउन्स विकेट पिच हो । जुन स्पिनर बलरका लागि उपयुक्त मानिन्छ । 

त्यसैले उक्त मैदानमा सन्दीपले राम्रो प्रदर्शन गर्न सक्ने अनुमान गरिएको छ । तर, अन्तर्राष्ट्रिय संचार मध्यमले दिल्लीको सम्भावित ११ मा सन्दीपले अक्सर पटेललाई विस्तापित गर्नु पर्ने देखिन्छ । पटेलले दिल्लीका लागि दुई खेलमा १ विकेट मात्र लिएका छन् । 

अन्तर्राष्ट्रिय संचार माध्यमका अनुसार क्रिकेटविज्ञहरुले सन्दीपलाई खेलाउनु पर्ने माग गरेका छन् । क्रिकेट विशेषज्ञहरुले सन्दीपलाई कोट्ला रंगशालामा खेलाउन एक कोलाहल नै सृजना गरेका छन् । 

अमित मिश्रालाई भने सजिलै सम्भावित ११ मा राखिएको छ । किनकी जारी सिजनमा निकै नै प्रभाव जमाएका कोलकाताका आन्द्रे रुसेलविरुद्ध मिश्रको रेकर्ड राम्रो छ । कठिन स्थितिमा पनि एक्लैले खेल परिवर्तन गर्न सक्ने रुसेलको कमजोरी भनेको स्पिन बलिङ हो । 

उनले स्पिन बलिङमा मात्र १ छक्का प्रहार गरेका छन् । तर, दुर्भाग्यबस दिल्लीका कुनै पनि स्पिनरले राम्रो खेल पस्कन सकेका छैनन् । भने नेपाली लेग स्पिनर सन्दीपले अवसर पाएका छैनन् । त्यसैले पनि कोलकाताविरुद्ध दिल्लीका लागि सन्दीप वैकल्पिक स्पिनर खेलाडी बन्न सक्ने छन् ।