आज बार्सिलोनाले इस्पानियोलको सामना गर्दै

एजेन्सी-स्पेनिस ला लिगा फुटबलमा बासिलोनाले शनिबार राती इस्पानियोलको सामना गर्दै छ ।  खेल बार्सिलोनाको घरेलु मैदान क्याम्प नाउमा नेपाली समय अनुसार शनिबार राति ९ बजे सुरु हुने छ ।  

अन्तर्राष्ट्रिय क्लब फुटबलमा विश्राम भएपछि क्लब फुटबल सुरु भएसँगै बार्सिलोनाले इस्पानियोलसँग भिड्न लागेको हो । इस्पानियोलसँगको पहिलो भेटमा बार्सिलोनाले ४–० को फराकिला जित निकालेको थियो ।

त्यसैले बार्सिलोना उच्च मनोबलक साथ इस्पानियाललमाथि सहज जित निकाल्दै उपाधि होडलाई थप बलियो बनाउन चाहन्छ । यता इस्पानियोल भने अघिल्लो हारको बदला लिने दाँउमा छ ।

२८ खेलमा ६६ अंक जोडेको बार्सिलोना लिगको शीर्ष स्थानमा छ । जुन दोस्रो स्थानको एथ्लेटिको मड्रिडभन्दा १० अंकले बढी हो । यता, इस्पान्योल भने समान खेलबाट ३४ अंक बनाएर लिगको १३औं स्थानमा छ । 

शनिबार राती नै हुने अर्को खेलमा दोस्रो स्थानको एथ्लेटिको मड्रिडले अलाभेसको सामना गर्दै छ । खेल नेपाली समय अनुसार राति १ः३० बजे सुरु हुने छ ।