मेस्सीको गोल इतिहासकै उत्कृष्ट

एजेन्सी- बार्सिलोनाका कप्तान लियोनल मेस्सीले सन् २००७ सालमा गरेको गोल सर्वकालीन सर्वश्रेष्ठ गोल घोषित भएको छ । गेटाफेविरुद्ध गरेको गोल बार्सिलोनाको क्लब इतिहासकै सर्वकालीन सर्वश्रेष्ठ गोल घोषित भएको हो ।

मेस्सीले २००७ सालमा स्पेनिस ‘कोपा डेल रे’मा गेटाफेविरुद्ध सेमिफाइनल खेलमा उक्त गोल गरेका थिए । उक्त गोललाई बार्सिलोनाका पाँच लाख बढी समर्थकले गरेको मतमा सवैकालिन सर्वश्रेष्ठ घोषित भएको हो । 

उनले मैदानको मध्ये भागबाट बल लिँदै गेटाफेका ४ जना डिफेन्डर लाई वान भर्सेज वानको स्थितीमा विट गर्दै अन्त्यमा किपर सहितलाई विट गर्दै उत्कृष्ट गोल गरेका थिए । सोही जुन गोल बार्सिलोनाका समर्थकहरुले अत्यधिक रुचाएका हुन् । 

त्यस्तै बार्सिलोनाले निकालेको सर्वश्रेष्ठ गोलको दोस्रो र तेस्रो स्थानमा समेत मेस्सीको गोल रहेको छ । सन् २०१४-१५ को सिजन एट्लेटिको मड्रिडविरुद्ध गरेको गोल दोस्रो स्थानमा रहेको छ । त्यस्तै २०१०-११ को सिजन रियल मड्रिडविरुद्ध गरेको गोल तेस्रो भएको छ ।