नेयमार सम्झौता नविकरणका लागि छलफलमा

एजेन्सी- ब्राजिलियन स्टार खेलाडी नेयमार आफ्नो सम्झौता नविकरणका लागि पेरिस सेन्ट जर्मन (पिएसजी)सँग छलफलमा रहेको बताइएको छ । नेयमारका बुबाका अनुसार उनी लिग वान च्याम्पियन पिएसजीसँग आफ्नो सम्झौता नविकरणका लागि छलफलमा रहेको बताइएको हो । 

पछिल्लो समय स्पेनिस महारथी क्लब रियल मड्रिड जान सक्ने हल्ला चलेका बेला उनी पिएसजीमै रहन छलफमा रहेको खुलासा भएकोछ । उनी गत सिजन स्पेनिस अर्को क्लब महराथी क्लब बार्सिलोनाबाट कीर्तिमानी मुल्यमा पिएसजी पुगेका थिए ।

‘नेयमारले हाल सम्म दुई पटक मात्र स्तान्तरण गरेका छन् । तर हामी १० बर्षका लागि सोच्दै छौ । त्यो सम्भव छ या छैन् छलफल पछि थाहा हुनेछ ।’ सिनियर नेयमारले भने, ‘उनी आफ्नो सम्झौताको दोस्रो बर्षमा छन् । त्यसैले पनि यो सम्झौता तीन बर्ष भन्दा बढी बाँकी छ । तर पनि हामी पिएसजीसँग नविकरणको बारेमा कुरा गरि रहेका छौं ।’ 

उनले थपे, ‘रियलका अध्यक्ष फ्लोरेन्टिनो पेरेजले जिनेदिन जिदान अनुबन्ध भएपछि नेयमार वा केलियन एमबाप्पेलाई अनुबन्धका लागि आग्रह गर्न भनेका छन् ।’