के यो २०१५ कै उत्कृष्ट बार्सिलोनो हो?

एजेन्सी- बार्सिलोनाका लागि २०१५ साल जस्तो अन्य कुनै बर्ष थिएन । २०१५ सालमा बार्सिलोनामा विश्व फुटबलकै उत्कृष्ट खेलाडी थिए । जसले गर्दा बार्सिलोनाले २०१५ मा थप्रै उपाधि समेत उचालेको थियो । 

कप्तान लियोनल मेस्सी, लुइस स्वारेज र नेयमारबिचको मैदानमा देखीएको त्रिकोणात्मक सम्बन्धले त्यसबेला विश्व फुटबल र फुटबल समर्थकमा तरंगनै ल्याएको थियो । 

उक्त सिजन बार्सिलोनाले चार बर्ष पछि च्याम्पियन्स लिगको उपाधि समेत उचालेको थियो । यसअघि २०१०-११ को सिजनमा च्याम्पियन्स लिगको उपाधि उचालेको थियो । २०१५ पछि बार्सिलोना च्याम्पियन्स लिगमा अस्थिर देखीएको छ । 

तर, यो सिजन बार्सिलोनका लागि अलि फरक सिजन साबित भएकोछ । जो बार्सिलोनाको लागी २०१५ पछिको अर्को उत्कृष्ट पल बन्ने छ । बार्सिलोनाले २०१५ को सिजनमा विभिन्न पाँच उपाधि जितेको थियो ।  

जारी सिजनमा च्याम्पियन्स लिगको उपाधिका लागि चर्चा चलिरहँदा बार्सिलोनालाई मुख्य दाबेदारको रुपमा हेरिएको छ । तर, यस सिजन च्याम्पियन्स लिगमा पछिल्लो केही बर्ष यताकै फरक र उत्कृष्ट टिम क्वाटरफाइनलमा प्रवेश गरेका छन् । 

बार्सिलोनाले च्याम्पियन्स लिग अन्तर्गत क्वाटरफाइनलको पहिलो लेग म्यानचेस्टर युनाइटेडको घरेलु मैदानमा १० अप्रिल राती खेल्ने छ  भने दोस्रो लेग १६ अप्रिल राती आफ्नै घरेलु मैदानमा खेल्ने छ ।