७४ बर्षको उमेरमा शाहाको खेल जीवनबाट सन्यास घोषणा

काठमाडौं- टेबल टेनिसकी पुर्व नेपाल च्याम्पियन्स रीता मुखर्जी शाहले खेल जीवनबाट सन्यास घोषणा गरेकी छिन् । राजधानीमा बुधबार एक पत्रकार सम्मेलन गर्दै पुर्व च्याम्पियन शाहले सन्यास घोषणा गरेकी हुन् ।

लामो समय टेबल टेनिसमा बिताएकी शाहले आफ्नो ७४ बर्षको उमेरमा सन्यास घोषणा गरेकी हुन् । १५ बर्षकै उमेरमा शाहले चीनको बेइजिङमा भएको विश्व टेबल टेनिस च्याम्पियनसिपमा नेपालको प्रतिनिधित्व गरेकी थिइन् । 

उनी नेपालको पहिलो अन्तर्राष्ट्रि टेबल टेनिस खेल खेल्ने पहिलो महिला खेलाडी समेत हुन् । उनले १५ बर्षकै उमेरमा नेपालबाट ओलम्पिक खेलेकी थिईन् । शाह लगातार पाँच पटक नेपाल च्याम्पियन बनेकी थिइन् । 

उनी वि.स.२०१५ देखि २०२० सम्म लगातार नेपाल च्याम्पियन बनेकी थिईन् । पछिल्लो समय शाहले भेट्रान स्पर्धामा खेल्दै आएकी थिईन् । शाहले पछिल्लो पटक २०१७ मा भारतको गोवामा सम्पन्न अन्तराष्ट्रिय भेट्रान च्याम्पियनसिपमा प्रतिस्पर्धा गरेकी थिईन् । जाहाँ उनी च्याम्पियनस समेत बनिन् ।