जिसस र फिर्मिन्होको गोलमा ब्राजिल विजयी

एजेन्सी- अन्तराष्ट्रिय मैत्रिपूर्ण फुटबल खेलमा ब्राजिल विजयी भएको छ । मंगलबार राती चेक रिपब्लिकसँग भएको खेलमा जिससको उत्कृष्ट प्रदर्शनले ब्रजिल विजयी भएको हो । 

चेक रिपब्लिकको घरेलु मैदानमा भएको खेलमा सुरुवाती अग्रता जोगाउन नसक्दा पाहुना टोली ब्राजिले ३-१ को जित निकालेको हो । ब्राजिलको जितमा ग्याब्रियल जिससले दुई गोल गर्दा राबर्टो फिर्मिन्होले एक गोल गरे । घरेलु टोलीका लागि डेबिड पाभाल्काले एक गाल फर्काएका थिए । 

३७ औ मिनेटमा डेबिड पाभाल्काले गोल गर्दै घरेलु टोलीलाई सुरुवाती अग्रता दिलाएका थिए । तर, ४९ औ मिनेटमा फिर्मिन्होले गोल गर्दै खेल बराबरीमा ल्याए । ८३ औ मिनेटमा जिससले गोल गर्दै ब्राजिललाई २-१ को अग्रता दिलाए । खेलको अन्तिम मिनेटमा जिससले नै व्यक्तीगत दोस्रो गोल गर्दै ब्रजिललाई ३-१ को जित दिलाए ।