सन्दीपबिनाको खेलमा दिल्ली पराजित

काठमाडौं- इन्डियन प्रिमियर लिग (आइपिएल)मा साविकको वजेता टोली चेन्नाई सुपर किग्सले लगातार दोस्रो जित निकालेको छ । मंगलबार राती भएको खेलमा नेपाली लेगस्पिनर सन्दीप लामिछाने सम्मिलित दिल्ली क्यापिटल्सलाई ६ विकेटले पराजित गर्दै चेन्नईले लगातार दोस्रो जित निकालेको हो ।

दिल्लीले दिएको १ सय ४८ रनको लक्ष्य पक्ष्याएको चेन्नाईले १९.४ ओभरमा मात्र ४ वकेट गुमाउँदै उक्त लक्ष्य भेट्टायो । चेन्नाईको जितका लागि सेन वाट्सनले सर्वाधिक ४४ रन बनाए । त्यसैगरी सुरेश रैना ३० रन बनाउदा केदार जादब र कप्तान महेन्द्र सिंह धोनीले समान २५-२५ रन बनाए ।

यसअघि ब्याटिङ गरेको दिल्लीले ६ विकेट गुमाउदै १ सय ४७ रन बनाएको थियो । दिल्लीका लागि शिखर धवन ५१ को अर्धसतकिय पारी खेले पनि दिल्लीको जितका लापग प्रयाप्त भएन् । ऋषभ पन्त २५ र पृथ्वी साले २४ रन जोडे । चेन्नाईका डुवान ब्राभोले सर्वाधिक ३ बिकेट लिएका थिए ।