रोनाल्डो घाइते भएपछि पोर्चुगल बराबरीमा रोकियो

एजेन्सी- स्टार खेलाडी क्रिस्टियानो रोनाल्डो घाइले भएपछि पोर्चुगलले युरो कप छनोटमा सर्बियासँग बराबरी खेलेको छ । सोमबार राति भएको खेलको ३१ औं मिनेटमा रोनाल्डो घाइले भएपछि पोर्चुगलले सर्बियासँग १-१ बराबरी खेलेको हो । 

पोर्चुगलको घरेलु मैदानमा भएको खेलमा डुसान टाडिसको पेनाल्टी गोलबाट सर्बियाले सुरुवाती अग्रता लिएको थियो । खेलको सातौ मिनेटमा टाडिसले प्नाल्टीमा गोल गर्दै सर्बियालाई सुरुवाती अग्रता दिलए । 

घरेलु टोलीका लागि ड्यानिलो परेराले ४२ औं मिनेटमा गोल गर्दै खेल बराबरीमा ल्याए । युरो कप विजेता पोर्चुगलले युरो कप छनोटका सुरुवाती दुई खेलमा बराबरी खलेको छ । 

उसले पहिलो खेलमा युक्रेनसँग गोल रहित बराबरी खेलेको थियो । समुह ‘बी’मा रहेको पोर्चुगलको दुई खेलबाट मात्र दुई अंक छ । पोर्चुगल समुहको तेस्रो स्थानमा रहदाँ मात्र एक अंक जोडेको सर्बिया चौथो स्थानमा छ ।