रुसेल र रानाको उत्कृष्ट प्रदर्शनमा कोलकाता विजयी

काठमाडौं- इन्डियन प्रिमियर लिग (आइपिएल) टी-२० त्रिकेटमा नितिस रानाको उत्कृष्ट अर्धसतकिय र आन्द्रे रुसेलको आक्रमक ब्याटिङको मद्दतले कोलकाता नाइट राइडर्सले सुखद सुरुवात गरेको छ । घरेलु मैदानमा आइतबार भएको खेलमा सनराइजर्स हैदराबादलाई ६ विकेटले पराजति गर्दै आइपिएलमा सुखद सुरुवात गरेको हो ।

हैदराबादले दिएको १ सय ८२ रनको लक्ष्य पछ्याएको कोलकाताले १९.४ ओभरमा मात्र ४ विकेट गुमाएर उक्त लक्ष्य भेट्टाएको हो । कोलकाताका लागि नितिस रानाले उत्कृष्ट अर्धसतकिय पारी खेले । उनले ६८ रनको उत्कृष्ट अर्धसतकिय पारी खेलेका थिए । 

उनले ४७ बलको सामना गर्दै ८ चौका र ३ छका प्रहार गरे । त्यस्तै निकै नै आक्रमक ब्याटिङ गरेका आन्द्रे रुसेलले ४९ रनको अविजित पारी खेले । उनले १९ बलमा ४ चौका र ४ छक्का प्रहार गर्दै ४९ रन जोडे । 

सुबमान गिलले अविजित १२ रनमा । रोबिन उथप्पाले ३५ रन जोडे । उनले २६ बलको सामना गर्दै तीन चौका र एक छक्काको मद्दतमा ३५ रन जोड । कप्तान दिनेश कार्तिक २, क्रिस लिन ७ रनमा पेभिलियन फर्किए । हैदराबादका लागि शाकिब अल हसन, सन्दीप शर्मा, रासिद खान र सिद्धार्थ काउलले समान एक एक विकेट लिए । 

यसअघि टस हारेर पहिले ब्याटिङ्को निम्तो पाएको हैदराबादले निर्धारित २० ओभरमा ३ विकेट गुमाउदै १ सय ८१ रन जोडेको थियो । उत्कृष्ट सुरुवात गरेको हैदराबादका लागि डेभिड वार्नरले उत्कृष्ट अर्धसतकिय पारि खेलेका थिए । 

उनले ५३ बल खेल्दै ९ चौका र ३ छक्का प्रहार गर्दै सर्वाधिक ८५ रनको अर्धसतकिय पारि खेलेका थिए । जोनी नबेयरस्टोले ३५ बल खेल्दै ३ चौका र १ छक्का प्रहार गर्दै ३९ रन जोडे । 

त्यस्तै विजय संकरले २४ बल खेल्दै २ चौका र २ छक्का प्रहार गर्दै ४० रन जोडे । मनिस पाण्डेयाले ८ तथा युसुफ पठानले १ रन जोडे । कोलकाताका लागि आन्द्रे रुसेलले २ तथा पियुस चावलाले एक विकेट लिए ।