आज नेपालले कतारको सामना गर्दै

काठमाडौं- नेपाली राष्ट्रिय यू-२३ फुटबल टोलीले एएफसी यू-२३ च्याम्पियनसिप छनोट अन्तरग आज (आइतबार) आफ्नो दोस्रो खेल खेल्दै छ । पहिलो खेलमा ओमानसँग १-० को झिनो अन्तरले पराजित भएको नेपालले आज बलियो टोली कतारसँग खेल्न लागेको हो । 

खेल कतारको दोहास्थित स्पोर्टस सिटी सेन्टरको मैदानमा नेपाली समय अनुसार राती ९:४५ बजे सुरु हुनेछ । नेपाल मैदान उत्रिदा कतारलाई रोक्दै छनोटमा आफ्नो पहिलो जित निकाल्दे दाउमा रहने छ । 

तर, एसिया कप विजेता कतारको टोलीलाई रोक्ने भने नेपालले त्यती सहज हुने छैन् । यस्तै अन्तिम खेलमा नेपालले मंगलबार अफगानिस्तानसंग खेल्नेछ ।

छनोटको शीर्ष टोलीले थाइल्याण्डमा आयोजना हुने एएफसी यू-२३ च्याम्पियनसिप खेल्नेछन् । यस्तै दोस्रो टोली मध्ये उत्कृष्ट पाँच टोलीले पनि च्याम्पियनसिप खेल्ने मौका पाउनेछन् ।