जर्मनी सर्बियासँग बराबरीमा रोकियो

एजेन्सी- बुधबार राती भएको अन्तर्राष्ट्रिय मैत्रीपूर्ण खेलमा जर्मनी सर्बियासँग बराबरीमा रोकिएको छ ।  घरेलु मैदामा जर्मनीले सर्बियासँग १-१ को बराबरी खेलेको हो ।

सर्बियाका लागि लुका जोभिकले गोल गरेका थिए भने जर्मनीका लागि लियोन गोर्टेज्काले गोल गरेका थिए । खेलको पहिलो हाफमा १-० ले पछि परेको अवस्थानमा पुनरागनम गर्दै जर्मनीले खेल बराबरीमा ल्यएको थियो । 

खेलको १२ औं मिनेटमा जर्मनी सर्बियासँग १-० ले पछि परेको थियो । सर्बियाका लागि  लुका जोभिकले गोल गर्दै सुरुवाती अग्रता दिलाएका थिए । तर, खेलको ६९ मिनेटमा गोर्टेज्काले गोल गर्दै जर्मनीलाई हारबाट जोगाए ।

खेलको इन्जुरी समयमा सर्बियाका मिलान पाभकोभले रातो कार्ड पाएपछि सर्बिया १० खेलाडीमा समेटिएको थियो । पाभकोभले लोरी सानेलाई खराब ट्याकल गरेका थिए । पाभकोभले सानेको देब्रे खुट्टाको नली खुट्टामा टेकेका थिए । 

जसको कारण सानेको हड्डी भाचिएको बताईएको छ । युरोकप छनोटको तयारीमा रहेको जर्मनी र सर्बियाले मैत्रीपुर्ण खेल खेलेको हो । जर्मनीले आइतबार नेदरल्याण्ड र सर्बियाले पोर्चुगलसँग खेल्ने छ ।