पहिलो हाफमा नेपालको १-० को अग्रता

विराटनगर- श्रीलंकासँगको सेमिफाइनल खेलको पहिलो हाफमा नेपालले १-० को अग्रता बनाएको छ । सुरुवाती समय देखीनै आक्रम खेल प्रस्तुत गरेको खेलालले सुरुवाती अग्रता लिन धेरै लामो समय कुर्नु पर्यो । श्रीलंकाको डिफेन्सलाई तोड्न नसकेको नेपालले पहिलो हाफ सकिन तीन मिनेट बाँकी रहदाँ मात्र श्रीलंकाविरुद्ध सुरुवाती अग्ता लिएको हो ।

खेलको ४२ औं मिनेटमा नेपालले पुनम जर्घा मगरको गोलबाट सुरुवाति अग्रता लियो । गिता रानाको फ्री किक प्रहारमा सप्तान निरुको बाईसाइकल किकमा सावित्राले हेडर मार्फत पास दिदै पुनमले उत्कृष्ट वन टच  गोल गरेकी हुन ।

त्यस अघि खेलको चौथो मिनेटमा कप्तान निरु थापाको पासामा डि बक्स नजिकैबाट अनिता बस्नेतले गरेको प्रहार करसर बारको केहि माथिबाट बहिरिदा नेपाला अग्रता लिनबाट चुकेको थियो । १० औं मिनेटमा अनिताको कर्नर प्रहारमा कप्तान निरुको हेडर मथिल्लो बारबाट बहिरियो । 

१६ औं मिनेटमा अनिताको पासमा सावित्रा भण्डारीले वान भर्सेज वानको स्थितिमा गरेको प्रहार श्रीलंकाकि गोलरक्षक आयोमी एस विजेरत्नले उत्कृष्ट बचाउ गरिन । २२ औं मिनेटमा दिपा राईको एयर पासमा सवित्राको हेडर खेर गयो । 

३१ औं मिनेटमा मन्जाली कुमारी योन्जनको पासमा सावित्रा र निरु समयमै पुग्न असक्दा अग्रता लिनबाट चुके । ३४ औं मिनेटमा अनिताको करनर प्रहारमा गिता रानाको हेडरलाई गोलरक्षक आयोमीले उत्कृष्ट बचाउ गरिन । 

३६ औं मिनेटमा २० यार्डबाट मन्जलिले गरेको पहारले दिशा लिन सकेन । ३७ औं मिनेटमा श्रीलंकाकि कप्तान इरन्दी लियानागेले नेपालकी गोलरक्षक अन्जली तुम्बापो सुब्ब अघि बढेको अवस्थामा गोल गर्न सकेन्न ।