रोनाल्डोविनाको युभेन्ट्सको पहिलो हार

एजेन्सी- आफ्नो स्टार खेलाडी क्रिस्टियानो रोनाल्डोविना मैदान उत्रिएको युभेन्ट्सले इटालियन सिरी ‘ए’ फुटबलमा पहिलो हाफ व्यहोरेको छ । आइबार बेलुका भएको खेलमा जिनोआसँग २-० गोल अन्तरले पराजित हँदै सिरी ‘ए’को जारी सिजनमा पहिलो हार व्यहोरेको हो ।

रोनाल्डोलाई आराम दिइएको उक्त खेलको पहिलो हाफमा युभेन्ट्सले बराबरी खेलेको थियो । तर, दोस्रो हाफमा दुई गोल खार्दै युभेन्ट्सले सिजनको पहिलो हार व्यहोरेको हो । जिनोआलाई जित दिलाउन स्टेफानो स्टुरारो र गोरन पानडेभले एक एक गोल गरे । 

खेलको ७२ औं मिनेटमा स्टेफानोले गोल गर्दै जिनोआलाई अग्रता दिलाए । त्यसपछि ८१ औं मिनेटमा पानडेभले गोल गर्दै जारी सिजनमा युभेन्ट्सलाई २-० को पहिलो हार चखाए । युभेन्ट्सले लिगका २८ खेल खेल्दा २४ खेलमा स्पस्ट जित, तीन खेलमा बाबरी र एक खेलमा हार व्येहोरोको छ ।

जिनोआसँग पराजित भएपनि युभेन्ट्स लिगको शीर्ष स्थानमा यथावत रहेको छ । युभेन्ट्सले २८ खेलबाट ७५ अंक जोडेको छ । जितसंगै जिनोआले २८ खेलबाट ३३ अंक जोडेको छ ।  जिनोआ लिगको १२ औं स्थानमा छ ।