‘सावित्रा दक्षिण एसियाकै उत्कृष्ट स्ट्राइकर’

विराटनगर- नेपाली राष्ट्रिय महिला फुटबल टोलीकी स्टार स्ट्राइकर सावित्रा भण्डारी दक्षिण एसियाकै उत्कृष्ट स्ट्राइकर भएको बंगलादेश राष्ट्रिय महिला टोलीका मुख्य प्रशिक्षक गोलाम रोब्बानी चोतोनले बताएका छन् । लामो समय बंगलादेश राष्ट्रिय महिला टोली सम्हालेका मुख्य प्रशिक्षक गोलाम रोब्बानीले सावित्रा एसिउाकै उत्कृष्ट मध्यको एक फुटबल खेलाडी रहेको बताएका हुन् । 

जारी पाँचौ साफ महिला च्याम्पियनसिपमा बंगलादेशसँगको खेल पछि मुख्य प्रशिक्षक गोलाम रोब्बानीले उक्त अभिव्यक्ति दिएका हुन् । ‘मलाई सावित्रा दक्षिण एसियाकै उत्कृष्ट स्ट्राइकर मध्यको एक लाग्छ ।’ 

मुख्य प्रशिक्षक गोलाम रोब्बानीले भने, ‘सावित्रालाई रोक्न गाह्ररो छ । उनले चाहेको खण्डमा खेल जुन सुकै समयमा पनि परिवर्तन गर्न सक्छिन् ।’ उनले थपे, ‘सावित्रामा खेल परिवर्तन गर्न सक्ने क्षमता छ । त्यसैले उनी यो दक्षिण एसियाकै उत्कृष्ट स्ट्राइकर मध्यकी एक हुन् ।’ 

शनिबार साफमा बंगलादेशसँग नेपालले ३-० गोल अन्तरले जित निकाल्दा सावित्राले एक गोल र एक असिस्ट गरेकी थिइन् । उनले आत्माघाती गोलबाट नेपालले १-० ले अग्रता लिएको अवस्थानमा गोल गर्दै टोलीकामे अग्रता दोब्बर पारिन् । त्यसको केही समयमा नै सावित्राले पास मिलाउँदै मन्जली कुमारी योन्जनले गोल गरेकी थिइन् । 

सावित्राले बंगलादेको पोस्टमा बारम्बार प्रहार गर्दै विपक्षी टोली तथा गोलरक्षक रुप्ना चोक्मालाई दबाबमा राखेकी थिइन् । उनले मंगलबार भुटानसँग भएको उद्घाटन खेलमा नेपालले ३-० ले जित हात पार्दा एक गोल गरेकी थिइन् । 

सावित्राले भुटानविरुद्ध दोस्रो गोल गरेकी थिइन भने तेस्रो गोलमा असिस्ट गरेकी थिइन् । पछिल्ला दुई खेलमा दुई गोल र दुई असिस्ट गर्दा समेत उनलाई आफ्नो प्रदर्शनबाट आफै भने सन्तुष्ट छैनन् । ‘म आफै मेरो प्रदर्शनबाट सन्तुस्त छैन् । मैले जस्तो खेल्ने सोचिराखेको छु त्यो हुन सकेको छैन्,’ सावित्राले भनिन् ।

फरवार्ड सावित्राले नेपालका लागि २५ अन्तर्राष्ट्रिय खेल खेली सकेकी छन् । २५ अन्तर्राष्ट्रि खेलमा २४ गाले गरि सकेकी छन् । उनले जारी बर्षमा छ खेल खेल्दै ६ गोल गरेकी छन् ।