आफ्नै पहलमा यसरी उठ्दैछ मेलम्ची [१५ तस्बिरमा]

मेलम्ची– मेलम्ची र इन्द्रावती नदीको संगममा रहेको मेलम्ची बजारमा यति बेला स्थानीय बासिन्दाको पहलमा धमाधम तटबन्ध निर्माण भइरहेको छ। सबैरेदैखि साँझसम्म स्काभेटरको सहयोगमा किनारा संरक्षणमा स्थानीय बासिन्दा जुटेका छन्। मेलम्ची पुनर्निर्माण तथा सरोकार समितिको पहलमा बस्ती संरक्षण, सरसफाइ र बाढीपीडितलाई राहत वितरण भइरहेको पुनर्निर्माण अभियन्ता सागर श्रेष्ठले बताए। बाढीले थुपारेको गेग्रान हटाएर सरसफाइ भइरहेको छ। 

श्रेष्ठले भने, ‘समितिले बस्ती संरक्षण मात्र गरेको छैन, विपन्न बस्तीका बाढीपीडितलाई राहत पनि उपलब्ध गराउँदै छ।’ १६ गतेको बाढीले त्यो काम स्थगन भएको छ। अब तत्काल सुरु हुने स्थानीय बासिन्दाको योजना छ। 

स्थानीय बासिन्दा आफ्नै पहलमा रकम संकलन गरी मेलम्ची संरक्षणमा जुटेका छन्। श्रेष्ठले भने, ‘हाम्रो स्रोत भनेकै साथीभाइ आफन्त स्वदेश र विदेशमा रहेका शुभचिन्तक हुन्। हामीले स्थानीय सरकारसँग अहिलेसम्म एक रुपैयाँ पनि लिएका छैनौं।’

समितिको पहलमा मेलम्ची बजार आसपास रहेका बस्ती र दनुवार गाउँका बासिन्दालाई पनि राहत वितरण गरिएको छ। स्थानीय बासिन्दाको पहलमा बजार संरक्षण र पुनर्स्थापनाका लागि पहल भइरहे पनि स्थानीय सरकारले भने टुलुटुलु हेरेर बसेको भन्दै बजारबासी असन्तुष्ट छन्।