पहिलो हाफमा नेपालको ३-० को अग्रता

विराटनगर- आत्मघाती गोलबाट सुरुवाती अगाडी बढेको नेपालले पहिलो हाफमा ३-० को अग्रता लिएको छ । शहिद रंगशालामा जारी खेलको पहिलो हाफमा नेपालले बंदगादेशविरुद्ध ३-० को अग्रता दिएको हो । 

पहिलो हाफमा नेपालका लागि सनबित्रा भण्डारी र मन्जली कुमारी योन्जनले एक एक गोल गनिर भने एक गोल आत्मघमती उपहार पायो । खेलको छैठौं मिनेटमा नेपालले आत्मघाती गोलबाट सुरुवाती अग्रता लियो । 

नेपाली खेलाडीले पोस्टतिर गरेको प्रहारलाई बंगलादेशकी गोलरक्षक रुप्ना चक्मा अगाडी बढेको अवस्थामा बंगलादेशकै मसुरा परविनले ब्यकसाप दिन खोज्दा बल गोलमा परिणत भएको थियो । २३ औं मिनेटमा स्ट्राइकर साबित्रा भण्डारीले गोल गरिन् । 

उनले हिरा भुजेलको पासलाई डिफेन्डरलाई बिट गर्दै अगाडी बढाएको बललाई गोलकिपरले अगाडी बढेर बचाउन खोजेको मौकाको फाइदा उठाउदै गोल गरेकिहुन् । २८ औं मिनेटमा मन्जली कुमारी योन्जनले गोल गर्दै टोलीलाई ३-० को अग्रता दिलाईन् । उनले साबित्राको पासमा उत्कृष्ट गोल गरेकि हुन् ।

यसअघि खेलको पाँचौ मिनेटमा साबित्राले वान भर्सेज वानको स्थितिमा अगाडी बढाएको बललाई गोल गर्न सकिनन् । १० औं मिनेटमा कप्तान निरु थापाले डि-बक्स नजिकैबाट सहज रुपामा गरेको प्रहार करसरबारमा लागेर बाहिरिए । 

१६ औं मिनेटमा साबित्राले गरेको प्रहार गोलरक्षाकरुप्नाले क्लियर गर्न खोज्दा फर्किएको बलमा पुनः मौका पाए पनि गोल गर्न सकिनन् । १९ औं मिनेटमा हिरा कुमारी भुजेलले दिएको लामो पासमा साबित्राको हेडर प्रहारले दिशा लिन सकेन् । २४ औं मिनेटमा डि-बक्स नजिकैबाट साबित्राले गरेको प्रहार आबासिएको थियो ।