एक खेल अगावै नेपाल र बंगलादेश सेमिफाइनलमा

विराटनगर- बिहिबार भएको खेलमा बंगलादेशले भुटानलाई पराजित गरे पछि नेपाल र बंगलादेश एक खेल अगावै सेमिफाइनलमा प्रवेश गरेका छन् । शहिद रंगशालामा भएको खेलमा बंगलादेशले भुटानलाई २-० ले पराजित गरेपछि नेपाल र बंगलादेश साफ महिला च्याम्पियनसिपको सेमिफाइनलमा प्रवेश गरेका हुन् ।

पहिलो खेलमा नेपालसँग ३-० ले पराजित भएको भुटान दोस्रो खेलमा बंगलादेशसँग पराजित भएसँगै भुटान प्रतियोगिताबाट बाहिरिएको छ । खेलको ४६ औं मिनेटमा मिश्रात जहान मौसुमिल गोल गर्दै सुरुवाती अग्रता दिलाईन । उनले मोनिका चक्माको कर्नर प्रहारलाई नियन्त्रणमा लिदै गोल गरेकी हुन । ८५ औं मिनेटमा कप्तान सबिना खतुनले गोल गर्दै बंगलादेशलाई २-० को जित दिलाईन ।

सुरुवाती समय देखी भुटानमाथि दबाब राखे पनि बंगलादेशले पहिलो हाफमा कुनै गाले गर्न सकेन् । पहिलो हापको अधिकांस समय भुटानको पोस्टमा लगातार बल प्रहार गरेपनि गोल गर्न भने सकेन । 

खेलको १२ औं मिनेटमा मोनिका चक्माको लामो पासमा सिरात जहान सोप्नाले बललाई नियन्त्रणमा लिदै गरेको प्रहार करसरबार भन्दामाथीबाट बाहितिएको थियो । १५ औं मिनेटमा मोनिका चक्माले करिब ३५ याडबाट गरेको प्रहारले दिशा लिन सकेन । 

२३ औं मिनेटमा डि-बक्स भित्र सबिना खतुनले दिएको पासमा सिरातले गरेको प्रहार भुटानकी गोलरक्षक सङ्गिता मोङ्ग्रेले बचाउ गरिन । २९ औं मिनेटमा मारिया मन्डाले पोस्टमा गरेको सोझो कर्नर प्रहारमा बंगलादेशका कुनै पनि खेलाडीले बल छुन नसक्दा अग्रता लिनबाट चिकेको थियो । 

४० औं मिनेटमा करिब ३० याडबाट कप्तान सबिनाले गरेको प्रहार करसरबारको केहि माथीबाट बाहिरियो । त्यसको एक मिनेट नबित्दै सबिनाले नै डि-बक्स नजिकैबाट गरेको प्रहार गोलरक्षकले बचाउ गरिन । पहिलो हाफको इन्जुरी समयमा सिरातले डि-बक्स भित्रबाट गरेको प्रहार बाहिरिएको थियो । 

७३ औं मिनेटमा भुटानी खेलाडी सोनम चोडेनले गरेको कर्नर प्रहारमा अर्का खेलाडीले गरे गरेको प्रहार कर्सरबार्को केहि माथिबाट बहिरिएको थियो । ८१ औं मिनेटमा तोहुरा खतुनले गरेको डि-बक्स भित्रको प्रहार गोलरक्षक सङ्गिताले उत्कृष्ट बचाउ गरिन । 

अब बंगलादेशले आइतबार नेपालको सामना गर्ने छ । नेपाल र बंगलादेशबिचको विजेता टोलिबाट समुह ए को विजेता टोलिको टुंगो लाग्ने छ ।