सिटीले हान्यो शाल्केको पोस्टमा आधा दर्जन बढी गोल

एजेन्सी- इंग्लिस प्रिमियर लिग क्लब म्यानचेस्टर सिटीले जर्मन क्लब शाल्केमाथि फराकिलो जित निकाल्दै च्याम्पियन्स लिग फुटबलको क्याटरफाइनलमा प्रवेश गरेको छ । मंगलबार राति भएको प्रि-क्वाटरयलाइनलको दोस्रो खेलमा ७-० गोल अन्तरको फराकिलो जित निकाल्दै सिटी क्वाटरफाइनलमा प्रवेश गरेको हो । 

पहिलो लेगमा ३-२ ले अग्रता थिएको सिटीले दोस्रो लिगमा थप ७ गोल गर्दै समग्रहमा १०-२ को जित निकालेको हो । पहिलो हाफमा ३-० ले अग्रता लिएको सिटीले दोस्रो हाफमा थप चार गोल गर्यो । 

सिटीको जितका लागि सर्जियो अग्युरोले दुई तथा लिरोय साने, रहिम स्टर्लिङ, बेर्नाल्डो सिल्भा, फिल फोडिन र ग्याब्रियल जिससले एक एक गोल गरे । खेलको ३५ औ मिनेटमो सर्जियो अग्युरोको पेनाल्टी मा गोल गर्दै घेरलु टोलीलाई सुरुवाती अग्रता दिलाए । 

त्यसको तीन मिनेट नबित्दै अग्युरोले व्यक्तिगत दोस्रो गोल गर्दै सिटीको अग्रता दोब्बर पारे । ४२ औ मिनेटमा लिरोय सानेले सिटीको अग्रता तेब्बर पारे । 

५६ औ मिनेटमा रहिम स्टर्लिङ, ७१ औ मिनेटमा बेर्नाल्डो सिल्भा, ७८ औ मिनेटमा फिल फोडिन र   ८४ औ मिनेटमा ग्याब्रियल जिससले गोल गर्दै टोलीलाई ७-० को फराकिलो जित दिलाए । प्रतियोगिताको क्वार्टरफाईनलको ड्र आगामी शुक्रबार हुनेछ ।