रोनाल्डोको अग्नी परिक्षा आज

एजेन्सी- च्याम्पियन्स लिग फुटबलको फ्रि-क्वाटरफाइनलको दास्रो लेग अन्तर्गत आज (मंगलबार) राति इटालिएन सिरी ए क्लब युभेन्ट्सले एट्लेटिको मड्रिडको सामना गर्दै छ । खेल युभेन्ट्सको घरेलु मैदानमा राती १:४५ बजे सुरु हुनेछ ।

प्हिलो लेगमा पराजय भोगेको युभन्ट्सलाई घरेलु मैदानमा जित्नै पर्ने दबाब छ । यो खेल स्टार खेलाडी क्रिस्टियानो रोनाल्डोको अग्नि परिक्षा पनि हो । युभेन्ट्समा च्याम्पियन्स लिगको उपाधि उचाल्ने योजना बनाएका रोनाल्डोले यो खेल फाराकिलो अन्तरले जित्नै पर्ने दबाब छ । 

किनकी युभेन्ट्स पहिलो लेगमा एट्लेटिकोसँग २-० गोल अन्तरले पराजित भएको छ । युभेन्ट्सलाई क्वाटरफाइनलमा स्थान बनाउन उत्कृष्ट पुनरागमनको आवश्यकता रहेको छ । क्वाटरफाइनलमा स्थान बनाउन युभेन्ट्सलाई कम्तिमा गोल नखाई ३-० को जित निकाल्नु पर्नेछ ।

यता, घरेलु मैदानको जितले हौसिएको एट्लेटिकोले आफ्नो अग्रता कायम राख्दै अन्तिम आठको यात्रा तय गर्न चाहन्छ ।