पहिलो हाफमा नेपालको २-० को अग्रता 

विराटनगर- पाँचौ साफ महिला च्याम्पियनसिपको उद्घाटन खेलको पहिलो हाफमा नेपालले भुटानविरुद्ध २-० को अग्रता लिएको छ । विराटनगरको शहिद रंगशालमा सुरु भएको खेलमा नेपालले खेलको १३ औं मिनेटमा सुरुवाती अग्रता लिएको हो ।
 
सुरुवाती समय देखीनै भुटानमाथि दबाब सृजना गरेको नेपालका लागि मन्जली कुमारी योन्जनले गोल गरेकी हुन् । उनले रिबाउन्डबाट आएको बलालाई दिपा राईले पास उपलब्ध गराएको अलको उत्कृष्ट गोल गरेकी हुन् । 

त्यसको तीन मिनेट नबित्दै स्ट्राइकर साबित्रा भण्डारीले गोल गर्दै नेपालको अग्रता दोब्बर पारीन् । उनले मन्जली कुमारीको पासमा भुटानका एक डिफेन्डर र गोलरक्षकलाई बिट गर्दै सहजै गोल गरेकी हुन् । 

त्यसपछि २९ औं मिनेटमा साबित्राले प्रहार गरेको बलले दिशा लिन सकेन् । ४३ औं मिनेटमा मन्जलीले नै पाएको अवसरलाई सदुपयो गर्न सकिनन् । निकैनै सवासर प्राप्त गरेपनि नेपालले पहिलो हाफमा थप गोल गर्न भने सकेन् । तर, यता भुटानले भने नेपालको पोस्टमा कुनै पनि अवसरको सृजन गर्न सकेन् ।