आयल निगमको डिजेल चोरी गरेको आरोपमा तीन ट्याङ्करसहित एक जना पक्राउ

नेपाल समय | मंगलबार, भदौ ३०, २०८३

नेपाल समय

मंगलबार, भदौ ३०, २०८३

आयल निगमको डिजेल चोरी गरेको आरोपमा तीन ट्याङ्करसहित एक जना पक्राउ

बुटवल। रुपन्देहीको सिद्धार्थनगर नगरपालिका–८ स्थित नेपाल आयल निगमका ट्याङ्करबाट डिजेल निकालिरहेको अवस्थामा प्रहरीले तीनवटा ट्याङ्करसहित एक जनालाई नियन्त्रणमा लिएको छ।

मंगलबार निगमका ट्याङ्करबाट डिजेल निकालिरहेको अवस्थामा करिब ३० लिटर डिजेलसहित तीनवटा ट्याङ्कर र एक जनालाई नियन्त्रणमा लिइएको प्रहरीले जनाएको छ।

लुम्बिनी प्रदेश प्रहरी कार्यालय र वडा प्रहरी कार्यालय भैरहवाबाट खटिएको संयुक्त टोलीले ट्याङ्करको सिल तोडिएको र पेट्रोलियम पदार्थ निकालिरहेको अवस्थामा फेला पारेको थियो।

घटनास्थलमा दुईवटा ट्याङ्कर फेला परेका थिए भने अर्को ट्याङ्कर भागेकोमा प्रहरीले पछ्याएर नियन्त्रणमा लिएको हो। नियन्त्रणमा लिइएका ट्याङ्कर र व्यक्तिमाथि थप अनुसन्धान भइरहेको प्रहरीले जनाएको छ।

प्रकाशित: Sep 15, 2026| 16:27 मंगलबार, भदौ ३०, २०८३