मिस युनिभर्स नेपाल २०२५ को फिनाले आज हुँदै, १४ जनाले गर्दैछन् प्रतिस्पर्धा 

काठमाडौं । विश्वव्यापी चर्चित व्यूटी पेजेन्ट 'मिस युनिभर्स'को नेपाल फ्रेन्चाइज 'मिस युनिभर्स नेपाल २०२५'को फिनाले आज हुने भएको छ।

काठमाडौंको रोएल टुलिप होटलमा दिउँसो ४ बजेदेखी सुरु हुने फिनालेमा १४ जना सुन्दरीले प्रतिस्पर्धा गर्दैछन्। प्रतिस्पर्धामा सन्या अधिकारी, प्रतिक्षा अधिकारी, निर्जला न्यौपाने, ईशा राई, आरोही बस्नेत, लिसा बर्नावल, सुयसा सिंहराज, सिखा पराजुली, सरस्वती राई, वर्षा कंडेल, ज्योति थापा, अलिना एरी, एन्जल डंगोल र सोनालिसा ढुंगाना रहेका छन्। 

ग्लोबल ग्ल्यामर भेन्चरको आयोजना हुँदै आएको मिस युनिभर्स नेपालको फिनालेको तयारी पुर्णरुपमा सकिएको राष्ट्रिय निर्देशक संगीता पुरीले जानकारी दिइन्। पुरीका अनुसार गतबर्ष भन्दा यसबर्ष युवतीहरुको सहभागीता राम्रो थियो। साथै फाइनलिस्टहरु १४ जनानै उत्तिकै प्रतिभाशाली रहेको उनको भनाई छ। 

यसअघि नै निर्देशक पुरीले मिस युनिभर्स नेपालका लागी धेरै मापदण्डहरु खुकुलो पारेको जानकारी दिएकी थिइन्। कुनै उचाई, तौल, बर्गको आधारमा मापदण्ड नराखिएको जानकारी दिएकी थिइन्। सोहि अनुरुप अहिले बिभिन्न उचाई तथा बिभिन्न पेशा गरिरहेका महिलाहरुको सहभागीता रहेको छ। उनले भनेकी छिन्, 'मैले भन्दै आएकी छु, यो सम्पूर्ण ब्रह्माण्डमा नेपाली महिलाहरूको असीम क्षमता उजागर गर्ने प्लेटफर्म हो।  तपाईं जस्तो हुनुहुन्छ, त्यही नै तपाईंको सौन्दर्यता हो।'

यसबर्षबाट मिस युनिभर्स नेपाल रियालिटी शोको रुपमा पनि रहेको थियो। युट्युवमा सार्वजनिक रियालिटी शोको बिभिन्न ६ एपिसोडमा प्रतिस्पर्धीहरुले कल्चरल फोटोसुट, किचेन च्यालेन्ज, रनवे च्यालेन्ज लगायतमा प्रतिस्पर्धा गरिएको मिस युनिर्भ नेपालकी अध्यक्ष साबी पुरीले जानकारी दिइन्। पेजेन्टको कोरियोग्राफरको रुपमा दिक्पाल कार्की रहेका छन्। पेजेन्टको कोरियोग्राफरको रुपमा दिक्पाल कार्की रहेका छन्।