सलमानको फिल्म ‘भारत’ को ट्रेलर रिलिज

मुम्बई  - अली अब्बास जफरको निर्देशनमा बनेको सलमान खान अभिनित फिल्म ‘भारत’ को ट्रेलर रिलीज भएको छ। ‘भारत’ इदको अवसरमा रिलिज हुनेछ। फिल्म रिलिज भएलगत्तै सलमानका केही लुक सामाजिक सञ्जालमा भाइरल भइरहेका छन्।

फिल्ममा सलमानको बेजोड अभिनय देख्न सकिनेछ। सलमानका साथ फिल्ममा कटरिना कैफ, सुनिल ग्रोवर, दिशा पाटनीलाई पनि मुख्य भूमिकामा देख्न सकिनेछ। यो फिल्म कोरियन फिल्म ‘ओड टु माई फादर’ मा आधारित रहेको बताइएको छ।

टे«लरमा सलमानको प्रभावशाली संवादका साथै राम्रो इन्ट्री देखाइएको छ। उनी ट्रेलरमा रकस्टार लुकमा देखिएका छन्। टे«लर मार्फत सलमान आगोको ज्वालालाई छिचोल्दै गरेको देख्न सकिन्छ। फिल्ममा सलमान खानको क्यारेक्टरको नाम भारत हो। एक मिनेट २६ सेकेन्डको टेलरमा सल्मान खानका थुप्रै लुकलाई देख्न सकिन्छ।

टेलरमा कटरिना, दिशा पाटनी र सुनील ग्रोवरलाई भने देख्न सकिन्न। सामाजिक सञ्जालमा टेलरले राम्रो प्रतिक्रिया पाइरहेको छ। फिल्ममा कटरीना भन्दा पहिले प्रियंका चोपडालाई लिइएको थियो। तर पछि प्रियंका निक जोनससँग बिहे गर्दा व्यस्त भइन्। उनको व्यस्तताका कारण पनि कैटरिनालाई फिल्ममा अनुबन्ध गरिएको थियो।