ओरालोमा ब्रेक नलागेपछि पल्टियो बस, ३० जना घाइते

दाङको तुलसीपुरस्थित बखरियामा बस दुर्घटना हुँदा ३० जना यात्रु घाइते भएका छन् ।

दंगीशरणको गोल्टाकुरीबाट तुलसीपुरतर्फ आउँदै गरेको ना १ ख ४००९ नम्बरको यात्रुवाहक बस आज बिहान पौने ११ बजे बखरिया ओरालोमा पल्टिएर दुर्घटना भएको हो ।

ओरालोमा ब्रेकले काम नगरेपछि दुर्घटना भएको प्रहरीले जनाएको छ । घाइतेहरुलाई उपचारका लागि राप्ती प्रादेशिक अस्पताल लगिएको छ ।