गभर्नर पौडेलले लिए प्रधान न्यायाधीश राउतसँग शपथ

काठमाडौं- नवनियुक्त गभर्नर विश्वनाथ पौडेलले शपथ लिएका छन्।

सर्वोच्च अदालतमा आयोजित समारोहमा आज प्रधान न्यायाधीश प्रकाशमानसिंह राउतले गभर्नर पौडेललाई पद तथा गोपनीयताको शपथ गराएका हुन्।

आज नै उनले पदभार ग्रहण गर्ने कार्यक्रम छ ।

मंगलबार साँझको मन्त्रिपरिषद् बैठकले पौडेललाई गभर्नर नियुक्त गर्ने निर्णय गरेको थियो।