आपतकालीन अवस्था आए सम्पर्क गर्न नेपाली दूतावास दिल्लीको आग्रह

भारतको नयाँ दिल्लीस्थित नेपाली दूतावासले भारतमा रहेका नेपालीहरूलाई सचेत र सुरक्षित रहन अनुरोध गरेको छ।

शुक्रबार दूतावासले सूचना जारी गर्दै भारतमा रहेका नेपालीलाई संकटकालीन अवस्थामा सुरक्षित र आपतकालीन सेवा प्राप्त हुन सक्ने नजिकको स्थानको पहिचान गर्न पनि अनुरोध गरेको छ।

त्यस्तै, आपतकालीन अवस्था आएमा नयाँ दिल्लीस्थित राजदूतावास र नेपाली महावाणिज्य दूतावास कोलकातामा आवश्यक समन्वय र सहजीकरणका लागि सम्पर्क गर्न सूचनामा आग्रह गरिएको छ ।