काउटिन्हो देखी किन सन्तुस्ट छैन बार्सिलोना ?

एजेन्सी- पछिल्लो समय अपेक्षित प्रर्शन गर्न नसकेका फिलिप्पे काउटिन्हो देखी बार्सिलोनाका प्रशिक्षक अर्नेस्टो भाल्भर्डे सन्तुस्ट देखिन्न । उनी यस सिजन लामो समयपछि बार्सिलोनाको सुरुआती टोलीमा समेत पर्न सकेका थिएनन् । 

लोमो समय पछि सुरुवाती ११ मा परेका कोउटिन्होले खेलमा आफ्नो पुरानो प्रभाव नछोड्डा प्रशिक्षक भाल्भर्डे सन्तुस्ट नभएका हुन् । ब्राजिलियन काउटिन्होलाई बार्सिलोनाले गत जनवरी सिजनमा १ सय ६२ मिलियन युरोमा इंग्लिस क्लब लिभरपुलबाट अनुबन्ध गरेको थियो । 

सोहि २०१७-१८ को सिजनमा उनले ला लिगाका मात्र १८ खेलमा ८ गोल गरेका थिए । उनले गत सिजन सबै खाले २० खेल खेल्दै १० गोल गारे । तर यस सिजन उनले ला लिगामा १७ खेल खेल्दा मात्र ४ गोल गरेका छन् । यस सिजन अहिले सम्म सबै खाले २५ खेल खेल्दा उनले ६ गोल मात्र गरेका छन् । 

प्रशिक्षक भाल्भर्डेले काउटिन्होले आफुले सकेजति गरेको तर, त्यो प्रयास्त नभएका बताएका छन् । पछिल्ला खेलमा सुरुआती टिममा कोउटिन्हो पर्न नसक्नुको कारणबारे सोधिएको प्रश्नमा बोल्दै भाल्भर्डेले कोउटिन्होले आफ्नो स्थानका लागि थप संघर्ष गर्नुपर्ने बताएका छन् । 

‘गत सिजनको अन्तिम चरणमा उनी जस्तो लयमा थिए, अहिले त्यो अवस्था छैन,’ भाल्भर्डेले भने, ‘उनीले आफ्नो अवस्था सुधार्न थप संघर्ष र प्रतीक्ष गर्नुपर्छ ।’