सुनको भाउ १ लाख ९० हजार नाघ्यो

काठमाडौं- नेपाली बजारमा सुनको मूल्य तोलाको १ लाख ९० हजार रुपैयाँ नाघेको छ।

नेपाल सुनचाँदी व्यवसायी महासंघका अनुसार आज बिहीबार छापावाल सुन तोलामा १ लाख ९० हजार ६०० रुपैयाँ पुगेको छ। यो हालसम्मकै उच्च मूल्य हो।

सुन आज एकैदिन तोलामा ३ हजार ६०० रुपैयाँले बढेको हो। हिजो बुधबार २ हजार ७०० रुपैयाँले बढेर १ लाख ८७ हजार रुपैयाँमा कारोबार भएको थियो। मंगलबार प्रतितोला १ लाख ८४ हजार ३०० रुपैयाँ थियो।