सुनको भाउ २७ सय बढेर उच्च रेकर्ड 

काठमाडौं- नेपाली बजारमा सुनको मूल्य तोलाको एक लाख ८७ हजार रुपैयाँ पुगेको छ। यो मूल्य हालसम्मकै उच्च हो।

हिजो प्रतितोला एक लाख ८४ हजार तीन सयमा कारोबार भएको छापावाल सुन आज तोलामा दुई हजार सात सय बढेर एक लाख ८७ हजार पुगेको नेपाल सुनचाँदी व्यवसायी महासंघले जनाएको छ।

अन्तर्राष्ट्रिय बजारमा भने आज सुनको मूल्य प्रतिऔंस तीन हजार दुई सय ८५ अमेरिकी डलर हाराहारीमा कारोबार भइरहेको छ।