विशेष अदालतको फैसला विरुद्ध अख्तियार सर्वोच्चमा

नेपाल समय | सोमबार, वैशाख १, २०८२

नेपाल समय

सोमबार, वैशाख १, २०८२

विशेष अदालतको फैसला विरुद्ध अख्तियार सर्वोच्चमा

काठमाडौ- विशेष अदालतबाट भएको फैसला चित्त बुझ्दो नभएपछि अख्तियार दुरुपयोग अनुसन्धान आयोग पुनरावेदनका लागि आइतबार सर्वोच्च अदालतमा पुगेको छ।

आयोगले चितवन राष्ट्रिय निकुञ्ज कार्यालय सौराहा सेक्टरका तत्कालीन सहायक संरक्षण अधिकृत अभिनय पाठक विरुद्धको मुद्दामा पुनरावेदन गरेको हो। आयोगले रु ३१ लाख ५९ हजार सात सय ३५ बराबरको बिगो दाबी गरेको थियो। सो मुद्दामा विशेषले गत असार १८ गते सफाइ दिएको थियो।

त्यसैगरी आयोगले नापी कार्यालय रुपन्देहीका नापी अधिकृत ध्रुवराज मरासिनी, विन्देश्वर याव र सर्वेक्षक ठाकुरप्रसाद गुरौ विरुद्धको मुद्दामा पनि पुनरावेदन गरेको छ। जग्गा नियम विपरित कित्ता काट र गलत फाइल नक्सा तयार पारेकाले सो कार्य भ्रष्टाचारजन्य गतिविधि रहेको आयोगको ठहर छ। सो मुद्दामा विशेष अदालतले २०८० फागुन १७ गते फैसला गरेको थियो।

प्रकाशित: Apr 14, 2025| 08:01 सोमबार, वैशाख १, २०८२