सुनको भाउ एकैदिन ५७ सय बढेर बन्यो नयाँ रेकर्ड

काठमाडौं- आज बिहीबार सुनको मूल्यमा भारी वृद्धि भएको छ।

हिजो तोलामा २ हजार बढेको सुन आज एकैदिन ५ हजार ७ सय रुपैयाँ बढेको नेपाल सुनचाँदी व्यवसायी महासंघले जनाएको छ।

हिजो प्रतितोला १ लाख ७५ हजार ४ सय रुपैयाँ रहेको छापावाल सुन आज १ लाख ८१ हजार १ सय रुपैयाँ पुगेको छ।

सुनको यो मूल्य हालसम्मकै उच्च हो। यसअघि गत शुक्रबार १ लाख ८० हजार ३ सय रुपैयाँको उच्च रेकर्ड बनेको थियो।

आज चाँदीको मूल्य पनि ६५ रुपैयाँ बढेर १ हजार ९ सय रुपैयाँ पुगेको छ।